alam alfan waladb
بكام يا ضحك و أنا أشتريك . بقلم الشاعر . أيمن شوقي . عالم الفن والأدب
بكام يا ضحك وانا اشتريك
طب انت فينك وفين الاقيك
لو جرحي يفرحك ويرضيك
قولي بكام الثمن وانا ارضيك
الجرح مالي الوشوش احزان
وملامح مرسوم عليها هم الزمان
الكل راضي و شاكر الرحمن
يمكن ضحكة ترجع تحي الأمان
لو غاب عنا الأمل اكيد هيجي نهار
يملي الوشوش افراح ويغير الاقدار
والضحكة في القلوب تمشي انهار
يابخت اللي بايمانه عمره ما احتار
شمس نهار جديد مليان افراح
تمسح وجع سنين وجراح
والبسمة ترجع تملي الوشوش
تنسي هموم السنين ترتاح
عرفت ثمنك يا ضحك خلاص
عشرة حلوة ولمة صحاب بإخلاص
طلعت سهل في القلوب بتبان
وانا اللي فاكرك في اخر الأوطان
